Gjykata e Krimeve të Rënda do të japë sot vendimin për Saimir Tahirin. Ish-ministri i Brendshëm ka mbërritur që në orën 8:50 te Gjykata e Krimeve të Rënda. I shoqëruar nga avokati Maks Haxhia, Tahiri nuk ka dhënë asnjë deklaratë për mediet. Menjëherë është futur në gjykatë.
Ai është parë me një dosje në dorë, ku nuk dihet nëse do të dorëzojë prova të reja apo jo. Prokuroria kërkoi 12 vite burg për Tahirin, të cilit nëse dënohet i ulet në 8 për shkak të gjykimit të shkurtuar.
