Pasagjerët që udhëtojnë me shërbimin e hekurudhave në Gjermaninë veriore janë përballur me anulime dhe vonesa të mërkurën pas një stuhie, e cila preku papritur rajonin.
Erërat e forta rrëzuan disa pemë në linjat hekurudhore të cilat u bënë shkak për anulimin e shumë udhëtimeve, ndërkohë pastrimi vijon me ritme të larta.
“Trenat në distanca të gjata midis Hanover dhe Bremen kryesisht do të anulohen. Mund të ketë gjithashtu kufizime në rrugën midis Hamburgut dhe Hanoverit. Ne rekomandojmë që pasagjerët të informohen për lidhjet e tyre përpara se të fillojnë udhëtimin e tyre,” tha një zëdhënës i Deutsche Bahn.
