“Një nen tjetër ka të bëjë me pengimin e qarkullimit. Ata që bllokojnë rrugët sa herë që janë të pakënaqur nga vendimet e administratës duhet të marrë fund dhe problemet duhet të zgjidhen vetëm përmes drejtësisë”. Kështu deklaroi ministri i Brendshëm Sandër Lleshaj në fjalën e tij në Kuvend, teksa ishte duke u diskutuar dekreti i presidentit për ndryshimet në Kodin penal të Republikës së Shqipërisë.
Sipas Lleshaj, ata që do të tentojnë të bllokojnë rrugët e vendit për arsye të ndryshme duhet të llogarisin edhe masat e reja. “Bllokimi dhe pengmarrja e rrugëve nuk mund të vazhdojë më. Këto të gjitha bëhen në favor të ruajtës së qytetarëve”, tha Lleshaj.
