Një deklaratë e ish-ministrit të Brendshëm Saimir Tahiri, i cili gjatë mbrojtjes në gjykatë përmendi ‘Shefin e madh’, bëri bujë në media, por ngriti dhe aludime të shumta se kush fshihej pas këtij emri.
Mbrëmjen e sotme ndërsa nuk është dhënë ende vendimi nga Gjykata avokati i Saimir Tahirit, Maks Haxhia, ka zbuluar se kush fshihet pas ‘Shefit të madh’.
Haxhia i qëndroi të njëjtin shpjegim si dhe ai që tha Tahiri më herët se shefi i madh politik i tij është kryeministri Edi Rama.
‘Zoti Tahiri e tha në kuptimin që ai nuk mund të ketë qenë njëkohësisht dhe me kriminelët dhe me takime zyrtare. Kam qenë për drekë me shefin e madh timin, me zotin Rama kaq’, u shpreh Haxhia.
