Avokati Derk Vierzum, 44 vjeç, u ekzekutua pranë shtëpisë së tij në Amsterdam, ndërsa policia e ka cilësuar një vrasje mafioze.
Vierzum ishte avokat i një anëtari bande, i cili ishte kthyer në bashkëpunëtor të drejtësisë. Vitin e kaluar u ekzekutua edhe vëllai i bashkëpunëtorit të drejtësisë, dikur anëtar i bandës.
Banda akuzohet për 5 vrasje të kryera gjatë 2015-2017, si dhe është e përfshirë në aktivitetet e drogës. Vrasjet janë kryer në qytetet Utreht dhe Amsterdam, ndërsa banda njihet si “Mafia Marokene”, pasi anëtarët e saj janë me origjinë nga Maroku.
Shefi i policisë, Erik Akerbom deklaroi se me këtë vrasje brutale është kaluar çdo limit.
Shefi i policise ka thene se “tani, edhe njerëzit që bëjnë vetëm detyrën e tyre nuk janë më të sigurt”.
Kurse Jan Struis, kryetar i sindikatës së policisë, tha se krimi i organizuar ka dalë jashtë kontrollit dhe se Holanda është kthyer në një narko-shtet.
