Sipërmarrësi i njohur shqiptar, Elton Ilirjani ka folur për jetën e tij private, teksa ishte i ftuar në në studion e “Ftesë në 5” në Top Channel.
Prej kohësh ai ka dalë hapur për orientimin e tij seksual, ndërsa sot ka rrëfyer hapur edhe për ngacmimet e shumta që i vijnë nga persona të njohur në Shqipëri, si nga shoëbizi ashtu edhe nga figura të politikës.
“Ngacmime kam patur pafund. Kam patur nga persona të njohur të shoëbiz-it, këngëtarë, aktorë, regjisorë, ka Shqipëria plot, por edhe politikanë. Për mendimin tim ata janë më të papranueshimit, sepse të hapin probleme. Shqiptari kur ka pushtet, bëhet edhe më i keq dhe unë asnjëherë s’kam ndërmend të lidhem me politikanë,” tha ai duke theksuar më pas se me termin politikanë, u referohet atyre që jo domosdoshmërisht janë në pozitat më të larta”, rrëfeu ai.
Gjatë bisedës në studio, ai veçoi Fatos Nanon si të vetmin politikan, të cilin jo vetëm që nuk do e refuzonte, por do të ishte i gatshëm ta “gjuante” edhe vetë i pari.
“Fatos Nano është një personazh shumë karizmatik. Fatkeqësisht nuk i ka aspak qejf meshkujt, por nëse do i kishte, unë do e kisha gjuajtur vetë i pari. Për këtë të jesh e sigurt”, u shpreh Ilirjani.
