Një 41-vjeçar është plagosur me armë zjarri në Bulqizë.
Ngjarja ka ndodhur në orën 02:40 të mëngjesit të sotëm në ambientet e një lokali.
Mësohet se i plagosuri është shtetasi V.A, i cili ndodhet në spital jashtë rrezikut për jetën.
Policia tha se ka identifikuar autorët që janë shpallur në kërkim. Mësohet se ata janë I.D 31 vjeç dhe shoku i tij, D.S 24, vjeç.
Njoftimi i policisë
“Rreth orës 02.40 në ambientet e një lokali në qytetin e Bulqizës, gjatë një konflikti të çastit është plagosur me armë zjarri shtetasi V.A, 41 vjeç, banues në Bulqizë, i cili ndodhet në spital aktualisht jashtë rrezikut për jetën.
Nga veprimet hetimore të kryera nga ekspert të Policisë ka rezultuar se autori i kësaj ngjarje është shtetasi I.D, 31 vjeç, banues në Bulqizë ( person me precedent kriminal), i cili është larguar nga vendngjarja sëbashku me shtetasin D.S. 24 vjeç”, thuhet në njoftimin e policisë se cila në bashkëpunim me Specialistët për Hetimin e Krimit në DVP Dibër, po krehin zonën për kapjen e autorëve të kësaj ngjarje.
Vijon puna nga grupi hetimor, për dokumentimin e plotë të ngjarjes.
