U zhvilluan takimet e para të grupeve E, F. H dhe G në UEFA Champions League, me duelet që prodhuan edhe shumë surpriza. Kampionët në fuqi, Liverpool e nisi me humbje këtë fushatë, teksa u mposht me rezultatin 2-0 nga Napoli.
Heroi i takimit ishte Dries Mertens, i cili në minutën e 81-të u tregua i saktë nga pika e bardhë e penalltisë. Në minutat e fundit, blerja më e re e Napolit, Fernando Llorente vulosi shifrat në 2-0. Kjo fitore i ngjit italianët në vendin e dytë të grupit E, pasi kryesimi mbahet nga Salzburg. Austriakët shkatërruan me shifrat 6-2 Genk.
Protagonist i kësaj jave të parë ishte pikërisht sulmuesi i Salzburg, Erlind Haland, i cili realizoi një tripletë. Ndërkohë në grupin F, Barcelona nuk shkoi më shumë se një barazim 0-0 ndaj Borussia Dortmund.
Në “Signal Iduna Park”, spanjollët ishin me fat, pasi një super-Ter Stegen ndali vrullin e verdhezinjve që kishin rastin më të mirë për të shënuar. Mirëpo, Marco Reus nuk u tregua i saktë nga pika e bardhë e penalltisë, e cila u prit nga gardiani gjerman.
Rezultatet e plota:
Borussia Dortmund- Barcelona 0-0 (Reus humbet penallti 57′)
Benfika-Leipzig 0-2 (Werner 67′ 79′)
Napoli-Liverpool 0-0
Salzburg-Genk 6-2 (Erlind Haland 2′ 34′ 45′,Hwang Hee Chan 36′ Szoboszlai 45+2′, Ulmer 66′ / Lucumi 41, Samata 52′ )
Chelsea-Valencia 0-1 (Rodrigo 75′)