Komisioni Hetimor i ngritur për shkarkimi e Ilir Metës nga posti i Presidentit të Republikës do të kërkojë zgjatjen e mandatit të tij.
Shkak për këtë kërkesë që pritet të zyrtarizohet në Kuvend, është pritja e opinionit të Komisionit të Venecias, i cili ka deklaruar se do të paraqesë konkluzionet paraprake më 11 tetor.
Afati i komisionit hetimor përfundon me 8 tetor, pra 3 ditë më shpejt se Komisioni i Venecias të publikojë opinionin e tij.
Komisioni Hetimor parlamentar është ngritur me firmat e 58 ligjvënësve socialist, ndërsa në seancën e 10 ditëve më parë, u paraqit Kreu i Shtetit që dha shpjegime mbi shkaqet që e detyruan të nxirrte dekretin për anullimin e mbajtjes së zgjedhjeve vendore më 30 qershor.
Meta tha se shkaku kryesor që ccoi në këtë vendim ishte një informacion, i klasifikuar si sekret, sipas të cilit në datën 8 qershor, ditën kur opozita do të mbante protestën e saj kundër Edi Ramës, ekzistonte plani për djegien e Kuvendit të Shqipërisë.
