Koristë e biçikleta, të trumbetuara si punë suksesi nga kryetari i bashkisë së Tiranës Erion Veliaj, kanë sjellë ngushtimin e disa prej akseve në kryeqytet. Bëhet fjalë për rrugë kryesore ku shoferët e mjeteve hasin vështirësi në trafik pikërisht për shkak të ngushtimit të tyre.
Por, për kryebashkiakun e Tiranës, e gjitha është psikologjike.
“Ideja që janë ngushtuar rrugët e Tiranës për korsi biçikletash është vetëm psikologjike. Rrugët nuk janë ngushtuar”, u shpreh Veliaj në emisionin “Real Story” në News 24, mbrëmjen e kësaj të hënë.
