Kryetari i Bashkisë së Tiranës Erion Veliaj, i ftuar në emisionin “Real Story” në “News 24” drejtuar nga Sokol Balla foli edhe për çështjen e memorialit turk të vendosur në Tiranë, temë e cila hapi shumë debat.
Veliaj u justifikua duke thënë se është “gati t’i vë pllakë kujto që kontribuon për Tiranën”.
“Kemi punuar dhe po punojmë për ndërtim shkollash. Turqia ka dhënë ndihma dhe ka bërë disa shkolla e kopshte në Tiranë, disa konvikte të Qytetit Studenti. Po të mos ishin investimet e sektorit privat, ne nuk do bënim këto. Fondacionet turke kanë dhënë para edhe për kënd lojërash, edhe për pllakat përkujtimore. Unë nuk jam diplomat i Tiranës, por jam menaxhues i kryeqytetit. Unë jam gati t’i vë pllakë kujto që kontribuon për Tiranën”, tha Veliaj.
“TIKA ka dhënë kontribut. Turqia na ndihmon me shumë gjëra, ka dhënë bursa për studentë tanë të TIK. Komuniteti turk të vjen e të thotë se duam një memorial ndaj viktimave të një puci shteti, që është kauzë e drejtë për atë komunitet”, shtoi.
