Një grua 39-vjeçare akuzohet se ka bërë seks me një të mitur. Gruaja ka abuzuar me një 14-vjeçar, shok i së bijës, për të kryer marrëdhënie seksuale me të.
Bëhet fjalë për 15 raste të raporteve seksuale mes një gruaje nga Potenza, në Itali, me të miturin.
Janë këto detajet e deklaruara nga prokurorja Rosanna Buccini, e cila e akuzon gruan për abuzim seksual në rrethana të rënduar.
Kjo pasi gruaja para aktit e drogonte dhe e dehte të miturin. Ngjarja ka ende shumë gjëra që kërkojnë sqarim, ndërkohë që abuzimet kanë ndodhur mes vitit 2014 dhe 2015.
Siç u zbulua nga hetimet e prokurorisë, në kohën e ngjarjes 14-vjeçari shkonte shpesh në shtëpinë e shoqes së tij të shkollës.
Por dyshimet lindën pasi këto vizita erdhën duke u bërë gjithnjë e më të shpejta dhe më të gjata, aq sa ndodhte që i riu të flinte në shtëpinë e vajzës.
Pas disa muajsh, nëna e djalit, kishte nisur të vinte re ndryshime në sjelljen e tij, ku duke insistuar të mësonte çfarë ndodhte e detyroi të birin që ti tregonte të vërtetën.
Nga këtu gruaja u denoncua dhe prej vitesh hetimet janë në vijim, rezultatet e të cilave u publikuan këtë të enjte nga prokurorja e çështjes.
