Një fëmijë 10 vjeç ka qenë i aksidentuari i mbrëmjes së sotme në Barbullojë të Lezhës. Policia lokale ka bërë të ditur se i mituri me inicialet A. P., është dërguar në Tiranë dhe ndodhet jashtë rrezikut për jetën.
Gjithashtu është ndaluar edhe shoferi që e ka përplasur dhe më pas është larguar nga vendi i ngjarjes.
Njoftimi i policisë:
Rreth orës 20:20, në aksin rrugor Lezhë-Rrilë, në vendin e quajtur Barbullojë, shtetasi A. L. vjeç 34, banues në Mat, duke drejtuar mjetin ka aksidentuar shtetasin e mitur 10 vjeçar A. P., banues në Barbullojë, i cili është transportuar në Spitalin e Traumes në Tiranë ku ndodhet jashtë rrezikut për jetën.
Drejtuesi i mjetit është shoqëruar në ambientet e Policisë për veprime të mëtejshme hetimore procedurale.
Grupi hetimor në vendngjarje vazhdon veprimet për zbardhjen e plotë të rrethanave të aksidentit.
