Presidenti Ilir Meta tha mbrëmjen e sotme se Kryeministri Edi Rama dhe kreu i PD-së, Lulzim Basha, kanë kaluar vijat e kuqe.
“Ia kam bërë të qartë qoftë Ramës ashtu edhe Bashës, në takimet që kam pasur me ta, që po kalojnë vizat e kuqe, duhet tëangazhohen dhe të zgjidhin krizën”, tha Meta në studion e Syri-t.
I pyetur lidhur me deklaratën se do t’i jepte Edi Ramës dekoratën e Skënderbeut, Meta tha se “prisja që të mërzitej Elisa, por jo ti dhe doktor Berisha.
Përpjekjet e mia janë që në 18 tetor ne të marrim një datë për hapjen e negociatave, kam kërkuar që të shmangen përplasjet, që qytetarët të mos krijonin përplasje, që një palë të pengonte palën tjetër dhe kjo që votonte të shkonte dhe të emëronte kryebashkiakët”.
Presidenti tha se nuk i intereson fare nëse ka një marrëveshje Rama-Basha apo Rama-Basha-Kryemadhi, duke shtuar se i intereson vetëm kthimi i sovranitetit te qytetarët shqiptarë.
“Nuk ka kapje më skandaloze, nuk ka korrupsion më të madh, kur deputetë dele votojnë skandale që kurrë s’kanë ndodhur në Shqipëri. Deputetët janë kthyer në servilë të kryetarëve”, tha Meta.
Sipas tij, shqiptarët duhet të kthehen në demokraci, pasi po u mohohet e drejta për të kontrolluar qeverinë dhe deputetët, po u mohohet e drejta për të marrë informacion, pasi po dizinformohen.
