Presidenti Ilir Meta përmes një postimi në rrjet ka njoftuar nisjen e një beteje të re për të mbrojtur të drejtat kushtetuese të qytetarëve.
Meta do të jetë në mbrëmje përballë gazetarit Çim Peka, ndërsa ka zgjedhur studion televizive të Syrit për të njoftuar nisjen e betejës së re.
“Sot nga studio e Syri TV nisim një betejë të re për të mbrojtur një të drejtë tjetër kushtetuese të qytetarëve shqiptarë, përveç të drejtës për zgjedhje”, shkruan Meta.
Ndoshta beteja e re e Presidentit do të jetë ajo e mbrojtjes së pronave të qytetarëve, që në mungesë të Gjykatës së Lartë dhe asaj Kushtetuese janë në mëshirën e qeverisë.
