Presidenti Ilir Meta tha se marrëdhëniet e tij me SHBA janë të shkëlqyera. Meta tha se kur ka dashur të takojë Presidentin amerikan e ka takuar jashtë çdo protokolli.
“Më duhej një takim me Presidentin amerikan, ishte George Bush, dhe ma sollën jashtë çdo protokolli në zyrën e Condoleza Rice.
Unë nuk kam ndërhyrë kurrë në zgjedhjet amerikane, as kam bërë foto në mënyrë të ligjshme apo të paligjshme, duke paguar ose jo para”, tha Meta në studion e Syri-t.
Duke sqaruar takimin me Bush në SHBA, Meta zbardhi detajet sepse Presidenti amerikan ishte takuar në zyrën e Condoleza Rice.
“Mora vesh që në SHBA kishte ardhur Trajkovski dhe do të takohej me Presidentin Bush.
U mendova dhe thashë se duhej ta takoja, pasi në Shqipëri kishte zgjedhje dhe doktori në atë kohë do e shfrytëzonte këtë, duke thënë se Bush u takua me Trajkovskin, por se priti Metën. Atëherë i thashë atyre miqve amerikanë për t’a takuar dhe takimi u realizua brenda ditës.
Raportet me heronjtë e SHBA i kam të shkëlqyera, por jo me miliarderët, ato nuk më janë dashur asnjëherë”, tha Meta, duke shtuar se ka pasur marrëdhëniet më korrekte me zyrtarët amerikanë, por jo me të gjithë ambasadorët apo diplomatët.
