Presidenti Ilir Meta deklaroi mbrëmjen e sotme në studion e Syri-t se politikanët duhet të bëjnë testin e drogës dhe të shëndetit mendor.
Meta shprehu gadishmërinë që t’i nënshtrohet i parti ketyre testeve.
“Për testin e drogës, Shqipëria ishte në një situatë të çmendur. Antagonizmi çfarë tregon? Normale nuk është të vijë vendi këtu ku është pas 30 vitesh.
I kemi kaluar njëhërë këto. Kjo situatë që vjen kaq e orkestruar nga lart, nga jashtë, duhet të ketë ca probleme të anormalitetit. E bëj unë testin i pari.
Por ama ta bëjnë të gjithë. Por këtu duket që ka probleme.
Të gjithë këta që zgjidhen duke filluar nga Presidenti, Kryeministri, deputetë, zyrtarë, në të ardhmen duhet të përshihet në legjislacion që të bëjnë testin e drogës dhe të shëndetit mendor.
Një ditë mund të thoni që Mujo Ulqinaku atë ditë kur hodhi armë ndaj pushtuesve ishte i dehur, por unë them se ishte patriot”, tha Meta.
Ai tha se për të hequr streset luan me macet, pasi nuk ka vese që të shkojë në kazino.
