Kolegji i Posaçëm i Apelimit ka konfirmuar në detyrë Gentian Medjan, gjyqtar në Gjykatën Administrative të Shkallës së Parë, Tiranë.
Vendimi vjen pasi Komisioneri Publik, sipas një vlerësimi tërësor, bazuar në të gjitha provat e reja të administruara gjatë shqyrtimit dhe hetimit gjyqësor të çështjes, arriti në konkluzionin se subjekti i rivlerësimit rezulton të paraqesë një nivel kualifikues, sa i përket kriterit të vlerësimit të aftësive profesionale. Kështu, kërkoi lënien në fuqi të vendimit të KPK, që konfirmoi në detyrë gjyqtarin.
Komisioneri Publik Florian Ballhysa kërkoi fillimisht të kërkohej rivlerësimi profesional i gjyqtarit për shkak të vonesave të zbardhjeve të vendimeve. Komisioneri propozoi një metodologji se si mund të matej kjo, që ishte e ndryshme nga ajo që ka aplikuar ish Këshilli i Lartë i Drejtësisë dhe që aplikon aktualisht shkolla e Magjistraturës.
Ne seancën e kaluar, KPA nuk e pranoi propozimin e Komisionerit Publik për metodologjinë e vlerësimit profesional, duke rrëzuar argumentin bazë të tij. Më pas, Komisioneri Publik u tërhoq nga pretendimi dhe kërkoi lënien në fuqi të vendimit të KPK-së, që konfirmoi në detyrë gjyqtarin Gentjan Medja. Sot, KPA dha vendimin duke konfrirmua në detyrë gjyqtarin.
