Pak javë më parë, ne të “News31.al” ju zbuluam tre emrat e parë konkurues në këtë edicion të “Kënga Magjike” që janë: Fifi, Krusita dhe Juliana Pasha.
Ndërkohë që ditën e djeshme, konfirmoi pjesëmarrjen e saj dhe Linda Halimi.
Gjithashti Inis Neziri e ftuar në programin “Rudina” lajmëroi se po përgatitet për “Kënga Magjike”.
Ndërsa dy aristët Ardit Cuni dhe Anxhela Peristeri kanë dhënjë një “sinjal” që do të jenë pjesëmarrës nëpërmjet disa InstaStorys.
E teksa jemi pak ditë para nisjes së edicionit të 21-të të këtij kompeticioni, “Lajmi.net” ka bërë me dije emra të tjerë. Në skenën e “Kënga Magjike” do të ngjiten edhe Erik Lloshi, Orgesa Zaimi dhe Anjeza Branka.
Ndërkohë ende të pakonfirmuar mbeten: Yll Limani, Flaka Krelani, Eneda Tarifa, Stefi dhe Endri Prifti.
Gjithashtu ditën e sotme janë zbuluar edhe antarët e jurisë të cilët do të vlersojnë artistët e kategorisë “New Artist”. Krahas Armend Rexhepagiqit dhe Abren Skënderajt, të cilët kanë qenë dhe në vitin paardhës, këtë edicion do të jetë edhe Jonida Maliqi.
“Kënga Magjike” do të hapë siparin më datë 22 shtator dhe këtë vit do të vijë me disa risi. Në kompeticion do të këndohet live që në fazat e para të konkurimit, si dhe për herë të parë në votim do të marrë pjesë edhe publiku. Këtë edicion, krah Ardit Gjebresë, në skenën e Pallatit të Kongreseve do të ngjitet edhe modelja e njohur shqiptare Adrola Dushi si bashkëprezantuese./News31.al
