Në studion e emisionit “Me Zemër të Hapur” ka qenë Baftjar Çelaj, babai i Indrit Çelës, 26-vjeçarit që u vra nga vëllezërit Kusi në Tiranë. Mes lotëve, babai i teknikut të kondicionerit, që mbeti i vrarë teksa po punonte me kondicioneri. Nga studio e emisionit ai rrëfeu sesi e mori vesh lajmin.
“Kam folur një ditë para. Një javë para erdhi në shtëpi. Kur do të kthehej i thashë qetësohu njëherë, që të shmangte një aksident. Iku, mori dhe nipin erdhi në Tiranë. Pas disa ditësh më mori në telefon, Më thotë të vijë mamaja, erdhi gruaja në Tiranë me datë 21. Lajmin e mora vesh pasdite, në 7 të pasdites më tha vëllai do ikim në Tiranë se kshu kshu. Kur erdha në Tiranë më tha doktori është vrarë me armë. Nuk ka më ku të shkojë. Ç’drejtësi është kjo të vrasësh dikë. Nuk kam as fjalë të them. Të ikësh e të zhdukesh, të marrësh jetë të rinjsh në punë e sipër. Ç’të them unë më, mua shpirti më ka mbetur. Më prenë krahët e shpresës. Nuk kam asnjë lloj besimi”, u shpreh Çelaj.
Vrasja e Indrit Çelajt, si u tentua të manipulohej krimi/ Zbardhen deklaratat: Ra nga skela…
