Ministrja Belinda Balluku ka deklaruar se për çështjen e makinave me xhama të zinj, do të ketë së shpejti një zgjidhje. Sipas Ballukut xhamat e zinj do të lejohen nëse janë në konform me rregullave dhe të jenë të licensuara nga një servis i autorizuar.
“Kjo është një histori e vjetër që ndodh me drejtuesit e mjeteve dhe rregulloret që vijnë sipas standardeve të BE-së. Kemi një precedent pasi jo vetëm Shqipëria, por edhe vende të tjera e kanë shfaqur këtë problem të xhamave të errët në automjete, për arsye të sigurisë kombëtare dhe luftës kundër krimit të organizuar. Së shpejti do të keni edhe zgjidhje për këtë. ”, – tha Balluku.
Pak ditë më parë Drejtoria e Përgjithshme e Shërbimeve të Transportit Rrugor njoftoi se xhami i pasëm mund të errësohet me material xhami ose me qese/film, deri 75%.
