“Unë nuk di të ketë filluar asnjë negociatë tani. U bënë tentativa, dy herë. I ka refuzuar Edi Rama. Këto tentativa kanë ndodhur gjatë qershorit. Janë bërë nga gjermanët. Janë dy, jo një! Kjo është e njohur”, tha ish-Kryeministri Sali Berisha mbrëmjen e sotme në Opinion.
Ai theksoi se formula ishte të uleshin në tavolinë pa kushte.
Por si largohet Edi Rama nga posti i kryeministrit?
Sali Berisha tha se “mendoj se opozita e ka dhënë formulën, një qeveri kalimtare për të përgatitur zgjedhjet. Me disa detyra të caktuara dhe disa shqyrtime të tjera”.
Në të kundërt tha ish-kryeministri populli opozitar do të mbyll sheshin dhe nuk do të largohet aty.
“Rama duhet të rrëzohet me të gjitha mjetet e mosbindjes civile. Por vendimet që do marrë opozita, unë nuk e di. Unë gjithçka di, di këtë që thashë. Tani nuk ka oferta ndërkombëtare për zgjidhje”, shtoi ai.
