Një tjetër biznesmen është vënë në pranga nga policia e Tiranës në kuadër të aksionit “Informaliteti”. Është arrestuar Agim Kola.
16 biznesmenë u vunë në prangat e policisë së kryeqytetit javën e kaluar nën akuzën e shmangies së detyrimeve tatimore, duke përdorur një skemë mashtrimi për rimbursimin e TVSH-së. Sipas hetimeve, të arrestuarit që operojnë kryesisht në fushën e ndërtimin, përdornin faturat tatimore fiktive, duke i shkaktuar buxhetit të shtetit një dëm prej 182 milionë Lekë, pasi rimbursoheshin për vlera që nuk ishin reale.
Në seancën për masën e sigurisë, gjykata vendosi që 6 nga 15 personat e arrestuar për krijimin e skemës mashturese me TVSH do të hetohen nën masën e arrestit me burg, me afat 20 ditë. Ndërsa të tjerët janë liruar nga qelia, për tu hetuar nën masën arrest shtëpie.
Akuzat që rëndojnë ndaj tyre janë: “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave”.
Skema mashtruese me TVSH/ Mes të arrestuarve kontraktori më i madh i “Rilindjes Urbane”
