Një ngjarje e rëndë ka ndodhur mbrëmjen e djeshme në spitalin e Gjilanit, Kosovë.
Një grua e rreth të 30-ave ka ndërruar jetë pas lindjes së fëmijës të gjinisë mashkull. Gruas i janë shfaqur komplikime pas daljes nga salla e operimit.
Lajmin për vdekjen e kësaj pacienteje e ka konfirmuar për Gazetën Express, drejtori i spitalit të Gjianit, Nisret Hajrullahu.
“Mund të ju konfirmojë se mbrëmë fatkeqësisht ka ndërruar jetë një grua pas lindjes në spitalin e Gjilanit. Kolegjiumi mjekësor janë duke e bërë raportin për të vërtetuar shkaqet që quan në vdekjen e pacientes”, ka deklaruar Hajruallahu.
Ky ishte fëmija i dytë i gruas, ndërsa thuhet se ndodhet në gjendje të mirë shëndetësore.
