Sot, Shtetet e Bashkuara të Amerikës përkujtojnë 18 vjetorin e sulmit ndaj kullave binjake në New York, më 11 shtator 2001.
Kjo përkujtohet si një ndër tragjeditë më të madhe jo vetëm në SHBA, por në të gjithë globin. Humbën jetën 752 persona prej tyre 343 zjarrfikës dhe 60 policë. Pjesa më e madhe e viktimave ishin civilë të 70 kombësive të ndryshme.
Sulmi ndaj kullave binjake u krye nga një grup prej 19 terroristësh të Al-Qaedas qe morën peng katër avionë. Dy prej tyre u përplasën mbi kullat binjake në Qendrën Botërore të Tregtisë në New York, një i tretë në ndërtesën e Pentagonit, ndërsa i katërti u rrëzua në fushat e Shanksvillit në Pensilvani, pa mundur të godiste shënjestrën e tij, Washingtonin.
Pas tragjedisë autoritetet sqaruan se sulmet ishin të mirëorganizuara, pasi 15 prej terroristëve radikalë islamistë ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani, por dyshimet ranë mbi organizatën terroriste Al-Qaeda. Edhe pse fillimisht kryeterroristi Osama Bin Laden mohoi përfshirjen në këto sulme, ne 2004 ai e mori përgjegjësinë për to.
Pas 11 shtatorit 2001 bota nuk është më e njëjtë. SHBA u godit në zemër të saj dhe që prej asaj kohe ndryshoi edhe rrjedha politike amerikane, për 18 vitet e fundit, duke patur si betejë kryesore luftën ndaj terrorizmit.
