Presidenti i Republikës ka bërë çdo gjë që Shqipërisë t’i hapeshin me kohë negociatat me BE, që vendi të mos mbetej asnjë minutë pa Gjykatë Kushtetuese dhe do të bëjë më të mirën në rrugën europiane të vendit.
Kështu deklaroi Kreu i Shtetit, Ilir Meta, i pyetur lidhur me atë se çfarë do të bëjë nëse Shqipërisë më 18 tetor nuk i hapen negociatat.
“Kemi dëgjuar nga ana e mazhorancës lajme të mira se negociatat do të çelen më 18 tetor, me kënaqësi kemi dëgjuar edhe nga opozita se kemi lajme të mira, por duhet të presim derisa të ngrihen gotat e shampanjës.
Unë jam nga vendi i rakisë dhe s’kam pse të kem frikë nga shampanja.
Uroj dhe shpresoj që ne në 18 tetor të marrim datën e hapjes së negociatave.
Por shqiptarët e Maqedonisë kanë një shprehje: mos festoni Bajramin me men.
Për 30 qershorin të gjitha palët ishin të gëzuara, njëra fitoi 61 bashkitë dhe këshillat bashkiake, tjetra fitoi 85 % të votave”, tha Meta.
