Partia Demokratike ka publikuar sot prova të reja të cilat sipas opozitës dëshmojnë manipulimin e votimeve të 30 qeshorit. PD thotë se ka pamje filmike gjatë numërimit në disa KZAZ, nga ku zbulohen shifrat e rreme. Në një deklaratë të përbashkët për mediat, ish-deputeti demokrat, Oerd Bylykbashi dhe Sekretari për Çështjet Zgjedhore në selinë blu, Ivi Kaso, bënë publike disa raste ku nuk ka përputhshmëri mes shifrave në tabelën e KQZ-së dhe ato në realitet. Sipas tyre, komisionerët socialistë kanë mbushur kutitë për të rritur fiktivisht numrin e votave dhe kjo zbulohet nga videot gjatë numërimi.
“Janë shtuar votat me çdo formë të mundshme, përfshirë edhe votat e pavlefshme. Kutitë e votimit janë mbushur me fletë nga komisionerët socialistë për të arritur objektivin e PS. Të gjitha këto PD i ka denoncuar në prokurori, por nuk ka asnjë veprim për te filluar hetimet. Provat janë përpara prokurorisë, por tashmë e kemi të dokumentuar edhe në raportin e ODIHR, i cili konstaton pavarësisht asaj që u pa, prokuroria, policia dhe organet ligjzbatuese nuk kanë nxjerrë para drejtësisë personat që manipulojnë, duke krijuar kështu frymën e mosndëshkimit e cila është në themel të mosrespektimit të standardeve zgjedhore”, u shpreh Bylykbashi.
Ish-ligjvënësi demokrat thotë se urdhri për të fshehur fletët e pavlefshme ka qenë me urdhër të kryeministrit Edi Rama. “E gjithë ka ardhur nga mpresioni i imponuar ndaj administratës publike për të shkuar për të votuar dhe ata e kanë prishur votën“.
Rastet e denoncuara nga PD
PD: Video tregon fletët e votimit, të gjendura në kuti pa vulë dhe të numëruara
