Ish-kryeprokurorja Speciale e Maqedonisë së Veriut, Katica Janeva prej disa ditësh ndodhet në qelitë e burgut të Shutkës, e cila u vu në pranga pas skandalit të madh korruptiv ku dyshohet se ka keqpërdorur pozitën zyrtare dhe ka përfituar të mira materiale.
Së fundmi Mediet maqedonase kanë publikuar së fundmi një fotografi të Katica Janevas nga qelia e burgut.
Ish-prokurorja Speciale, Janeva, është vendosur në një repart të posaçëm në Shutkë, për shkak të sigurisë dhe gjendjes shëndetësore. Këtë e bëri të ditur drejtori i burgut, Esad Rahiq, në një intervistë për shtyp.
Sipas tij, Janeva është vendosur në qeli vetëm me një femër tjetër, pavarësisht se në repartin femëror të Shutkës në një qeli janë vendosur deri me 6 persona.
