Gazetari Telnis Skuqi ka insistuar në përplasjen me kryebashkiakun e Rilindjes për Gjirokastrën, Flamur Golemi, duke i kërkuar të publikojë diplomën e shkollës së mesme.
Gazetari Telnis Skuqi, që jeton në Norvegji, ka ngritur së fundi një pretendim sipas së cilit kryebashkiaku i Gjirokastrës nuk ka përfunduar shkollën e mesme. Skuqi i referohet thjesht formularëve të dorëzuar nga Golemi në KQZ gjatë kohës kur kandidonte për deputet dhe së fundi për kryebashkiak.
Ai e sfidoi Golemin se nëse provon që ka kryer shkollën e mesme, Skuqi do të kërkojë ndjesë dhe do të largohet nga gazetaria. Ndonëse ky pretendim i paverifikuar i Skuqit u botua edhe nga disa portale, kryebashkiaku ka zgjedhur ta injorojë. I vetmi reagim i tij është në përgjigje të një komentuesi në Facebook.
Golemi në reagimin e tij thotë se “s’mund ta lerë gazetarinë pa këtë ‘penë të rëndë që i mungon vetem Çmimi Pulitzer’, prandaj nuk do ta publikojë diplomën e shkollës së mesme”.
Më tej edhe vetë Golemi i kërkon Skuqit të thellohet me investigimin e tij, sepse ai e ka barrën e provës për të faktuar nëse ka apo jo shkollë të mesme kryebashkiaku.
Reagimi i Skuqit
«TRIMI IKU, POR NUK THA ASGJË»
Nga Telnis Skuqi
Pesë vite më parë dikush shpifi në adresën time.
Ai më nxorri pa shkollë të mesme, shkurt për të isha një i pashkolluar.
Unë si king shkova direkt në gjykatë dhe pas një maratone 2 vjeçare gjyqësore, fitova të drejtën time.
Flamur Golemi reagoi. Ai e pranoj që është bërë një lapsus, por kryebashkiaku jolegjitim nuk saktësoj se ku është bërë gabimi njerëzor:
– tek CV që ka paraqitur në Kuvendin e Shqipërisë, apo
– tek deklarata e tij pranë KQZ.
«Trimi iku, por nuk tha asgjë».
(Shënim: Flamur pse më lejon të shpif për ty? Unë e di që ti e di, por të siguroj që atë që ti dhe unë e di, do ta marrin vesh të gjithë!)
