Presidenti Ilir Meta ishte dje në mjediset e Kuvendit të Shqipërisë, ku ishte thirrur për të dëshmuar para komisionit hetimor parlamentar, që kërkon shkarkimin e tij.
Dje u raportua se Meta ka vizituar edhe kryeparlamentarin Gramoz Ruçi me të cilin ka konsumuar edhe një kafe.
Madje mëngjesin e sotëm, Presidenti dha detaje nga takimi, duke zbardhur bisedën, e cila ishte përqëndruar te grupet parlamentare të viteve 91, 96 që ishin më të mira sesa Kuvendi aktual që kemi sot.
Vetë kryeparlamentari Gramoz Ruçi nuk ka reaguar lidhur me takimin, ndërsa një fanpage e tij në rrjetet sociale ka bërë një postim interesant, ku thuhet se presidenti kërkon që të përçajë socialistët.
“Deklaroj se nuk ka patur asnjë kafe dje mes meje dhe Ilir Metës. E gjitha është një lojë e presidentit për të tollovitur socialistët”, shkruhet në postimin e faqes që mban emrin e Gramoz Ruçit.
Me siguri kjo është një shaka e rrjetit, megjithëse faqja në fjalë është e mbushur me fotot e Kryeparlamentarit.
