Partia Socialiste e Vaut të Dejës ka reaguar lidhur me akuzat e PD-së ndaj Mark Babanit, kryebashkiakut të Rilindjes në këtë bashki.
Pas publikimit të të dhënave nga PD, PS ka zgjedhur të njëjtën skemë si në rastet e Valdrin Pjetrit dhe Agim Kajmakut.
“Disa burime nga disa “gazetarë” dhe disa “portale” lajmesh fallco , bëjnë me dije se PD do të publikojë disa shpifje par Mark Babanin, i cili sipas tyre mësohet se është i “dënuar”.
Është kontaktuar vetë kryebashkiaku i Vaut të Dejës, i cili ka mohuar kategorikisht një gjë të tillë, duke u shprehur se në jetën e tij nuk ka marrë as qoftë edhe një gjobë”, thuhet në reagimin e PS-së.
“Jam 52 vjec dhe deri më tani s’kam asnjë denim qoftë edhe një gjobë të thjeshtë makine. As unë, as babai im, as gjyshi s’kemi shkuar ndonjëherë në polici. Nëse dikush gjen një presje do t’i isha shumë mirënjohës. Jam person i njohur. S’më gjejnë as edhe një gjobë të thjeshtë makine se gjë tjetër jo e jo”, theksoi Babani.
