Petrit Syla, 46-vjeç, pronari i Skela Syla është ndaluar nga policia e Tiranës. Mësohet se 46-vjeçari është ndaluar lidhur me ngjarjen tragjike të ndodhur pak javë më parë në Tiranë, ku dy punëtorë humbën jetën pas shembjes së skelës në një pallat që poi rikonstruktohej fasada në kuadër të një projekti të Bashkisë së Tiranës.
Syla ishte shpallur në kërkim pas ngjarjes së rëndë me akuzën e shkeljes së rregullave të mbrojtjes në punë.
“Shërbimet e policisë të komisariatit nr.1, ekzekutuan urdhërin e ndalimit të Prokurorisë për një tjetër shtetas, në lidhje me ngjarjen e ndodhur më datë 16 gusht 2019, ku në rrugën “Faik Konica”, si rezultat i rrëzimit të skelave të pallatit që ishte në rikonstruksion ndërruan jetë dy punëtor.
Shërbimet e policisë të komisariatit nr.1, ekzekutuan urdhrin e ndalimit për shtetasin:
P. S., 46 vjeç, banues në Tiranë.
Prokuroria e Rrethit Gjyqësor Tiranë ka lëshuar urdhër ndalimi ndaj këtij shtetasi në lidhje me ngjarjen e ndodhur më datë 16 gusht 2019, ku në rrugën “Faik Konica”, si rezultat i rrëzimit të skelave të pallatit që ishte në rikonstruksion ndërruan jetë dy puntorë.
Materialet iu referuan Prokurorisë për veprime të mëtejshme”, thuhet në njoftimin e policisë.
Ngjarja
Dy punëtorë humbën jetën pasi u zunë nën rrënojat e skelës të firmës “Syla” që u shemb nga lartësia e një pallati 13 katësh në rrugën “Faik Konica” në Tiranë. Nderkohë 3 të tjerë mbetën të plagosur.
Viktimat e ngjarjes së rëndë ndodhur rreth orës 15:00, të datës 16 gusht, janë 31-vjeçari Ergys Brahimaj dhe Orjan Kodra, 36 vjeç. Ata u nxorën të pajetë rreth 2 orë pas ngjarjes, teksa ndodheshin në rrënojat e skelës e cila u shemb nga lartësia duke i zënë poshtë.
Tre punëtorët e të tjerë që mbetën të plagosur e u transportuan në gjendje të rëndë në Spitalin e Traumës, janë Genti Bardhi 29 vjeç, Euglidios Lika 34 vjeç dhe Altin Marku 36 vjeç.
Menjëherë pas ngjarjes, policia nisi edhe shoqërimet e para, për të marrë në pyetje të gjithë personat përgjegjës të cilët duhet të kishin marrë masat për sigurinë e këtyre punonjësve. Në pyetje u morën edhe inxhinieri teknik dhe administratori i firmës private që bënte lyrjen e pallatit.
