Një 29-vjeçar u arrestua nga policia e Durrësit për plagosjen e një të riu tjetër, i cili ndodhet në spitalin e Traumës në kryeqytet.
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin S.Xh., 29 vjeç, banues në Durrës.
Plagosja ka ndodhur në lagjen Nr. 15 të qytetit bregdetar, pas një konflikti për motive të dobëta mes dy të rinjve.
29-vjeçari ka goditur me thikë shtetasin M. K., 26 vjeç, banues në Durrës, i cili ndodhet në Spitalin e Traumës Tiranë, nën kujdesin e mjekëve.
