Kreu i PD, Lulzim Basha, ka pranuar dorëheqjen e Gert Bogdanit nga detyra e Sekretarit për Marrëdhëniet Ndërkombëtare dhe në vend të tij ka emëruar Arben Kashahun.
Basha ka vlerësuar angazhimin e Bogdanit për të forcuar lidhjet e PD-së me partitë simotra, me PPE dhe me organizatat rinore të qendrës së djathtë europiane dhe thekson se kontributi i tij do të vazhdojë të jetë i rëndësishëm në sfidat që Partia Demokratike ka përpara për Shqipërinë si Europa.
Kashahu, gjatë qeverisjes së PD-së ka mbajtur funksionin e Sekretarit të Përgjithshëm në Ministrinë e Integrimit.
Ai gjithashtu ka drejtuar ekipin negociator për Marrëveshjen e Stabilizim Asociimit mes Qeverisë shqiptare dhe Bashkimit Europian.
