Para pak ditësh Ermal Mamaqi përmes një postimi në rrjetet sociale konfirmoi se ka vendosur të marrë një pauz të shkurtër si moderator dhe gjithashtu sqaroi se gjatë kësaj periudhe do të përqëndrohet tek karriera e tij në industrinë e kinematografisë.
Momentalisht ai është i angazhuar me xhirimet e filmit më të ri “I love Tropoja” që pritet të dal së shpejti në të gjitha kinematë shqiptare
Në postimin e tij ai bëri të ditur se ndoshta në janar do ta shohim me një emision të ri për të cilin ka kohë që punon bashkë me ekipin krijues të Xing.al.
Mirëpo, pak minuta më parë ai i ka habitur të gjithë teksa ka publikuar një foto ku shihet së bashku me moderatoren Luana Vjollca. “Duke thurur plane…ndoshta kundër Marinës”, ka shkruar moderatori duke ngritur dyshimet se mund të sjell ndonjë projekt të ri me moderatoren e njohur.
