Një nga biznesmenët që u arrestua në skemën e TVSH-së, bashkë me 15 persona të tjerë, është edhe vjehrri i polices Ina Nuka që u lëndua gjatë njërës prej protestave përballë Kuvendit në muajin shkurt. Rrapo Baduni është pronar i kompanisë ‘Bani/s’.
Në procesin e zhvilluar sot në Gjykatë për masën e sigurisë, Baduni ka kërkuar lirinë ndërkohë që i është dhënë masa e sigurisë 20 ditore me burg.
Baduni duke kërkuar lirinë tha se ka punuar gjithë jetën me ndershmëri.
“Nuk kam asnjë dijeni për akuzat që më janë ngritur. Jam një njeri që kam punuar gjithë jetën me ndershmëri. Kërkoj të bashkëpunoj me prokurorinë” tha Rrapo Baduni.
Ndërsa në fund të seancës Rrapo Baduni u shpreh se ‘Peshqit e mëdhenj janë jashtë, ndërsa ne jemi këtu, të mashtruar’.
Baduni mësohet se ka një djalë në repartin Shqiponja, që është edhe bashkëshorti i polices Ina Nuka.
