Shtetet e Bashkuara të Amerikës i kanë ndaluar hyrjen Liviu Dragnea, ish-udhëheqësi i burgosur i Social Demokratëve në pushtet në Rumani, si dhe anëtarëve të tij të familjes, duke thënë se janë të përfshirë në “raste të rënda korrupsioni”, raporton Evropa e Lirë.
Departamenti i Shtetit njoftoi më 5 shtator se Dragnea dhe dy fëmijët e tij, Valentin dhe Maria, janë “të papërshtatshëm për të hyrë në Shtetet e Bashkuara”. Imazhi i Rumanisë në kryeqytetet perëndimore, përfshirë Uashingtonin, është dëmtuar kohët e fundit nga skandale politike që vënë në dyshim angazhimin e qeverisë për të luftuar korrupsionin, thonë analistët.
DASH mori vendimin para disa kohësh në rastin e Shqipërisë, për Tom Doshin, Adriatik Llallën dhe Vangjush Dakon, si dhe familjarët e tyre, duke iu refuzuar hyrjen. Mesa duket SHBA e ka shtritrë “aksionin” e verifikimit në të gjithë rajonin.
