Një tjetër biznesmen është arrestuar ditën e stome në kuadër të aksionit kundër informalitetit. Mësohet se në pranga ka rënë shtetasi Drilon Bareti, administrator i kompanisë E.B.A. ndërtim sh.p.k. Ai akuzohet për ‘skema mashtruese”, “falsifikim të vulave dhe të formularëve”, si dhe ”fshehje të ardhurash”.
Ndërkohë 15 të arrestuarit e tjerë janë duke u njohur me masën e sigurisë në Gjykatë.
Prokuroria ka kërkuar “arrest me burg” për 14 prej të arrestuarve, ndërsa për Shkelqim Prodanin ka kërkuar “arrest shtëpie”.
Vijon operacioni policor i koduar “Informaliteti”.
Shkon në 16 numri i administratorëve të shoqërive dhe kompanive të ndryshme, të arrestuar.
Arrestohet një tjetër administrator i një subjekti privat për “Krijim të skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave” .
Në vijim të operacionit policor të koduar “Informaliteti”, në kuadër të cilit u ndaluan 15 shtetas, administrator në kompani dhe shoqëri biznesi, gjatë paradites së sotme nga Seksioni për Hetimin e Krimit Ekonomik e Financiar në Drejtorinë Vendore të Policisë Tiranë u ndalua një tjetër administrator i një subjekti privat i shpallur në kërkim policor konkretisht shtetasi : – D. B.,31 vjeç banues në Shkodër
Vijon puna për kapjen e personave të tjetër të shpallur në kërkim në kuadër të këtij operacioni
Materialet procedurale ju kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave” .
