Policia e Tiranës ka kryer kontrolle të befasishme për gjetjen e vëllezërve Kusi, që akuzohen për vrasjen e teknikut të kondicionerëve, Indrit Celaj, në vilën e tyre.
Policia ka ushtruar kontroll në banesën e familjes Kusi në fshatin Allgjatë, ku janë gjetur armë.
Griseldo e Albano Kusi janë shpallur në kërkim prej disa ditësh, ndërsa ka dyshime se ato mund të jenë larguar nga Shqipëria.
Indrit Çelaj u qëllua me armë zjarri në një vilë pranë rrugës ‘Myslym Shyri’ ku dhe u gjet i plagosur rëndë duke ndërruar jetë në spital. Identifikimi i tij u arrit disa orë pas ngjarjes, ndërsa pretendohej nga policia se viktima nuk kishte mjet identifikimi.
Fillimisht policia shpalli në kërkim një shtetas L.V si të dyshuar, ndërsa disa orë më vonë në një njoftim të dytë sqaroi se autorë ishin dy vëllezërit Albano dhe Geraldo Kusi, djemtë e pronarit të vilës ku i ndjeri kishte shkuar të montonte një kondicioner.
