Një gazetar sportiv australian ka paguar një shumë të majme parash për vetëm një birrë në Manchester. Kjo lloj shume do të shkaktonte tronditje tek çdokujt. Gazetari Peter Lalor ka porositur një birrë e cila kushton vetëm 6.8 dollarë në një hotel në Manchester.
Ai ka zgjedhur që të paguajë me kartë krediti. Mirëpo, ai nuk e ka ditur se ajo lloj pagesë i ka kushtuar 68 mijë dollarë. Ai nuk e vëren kur vjen fatura por pas pak çastesh punonjësja e hotelit i kërkon ndjesë duke i thënë se ka ndodhur një gabim i vogël.
Gazetari Lalor shprehe se ka konsumuar birrën më të shtrenjtë në histori. Në një status në rrjete sociale, ai shkruan:
“Nuk i kisha syzet me vete dhe nuk e lexova faturën fare madje ia ktheva vajzës. Por ndërkohë pyeta me vete se sa pagova për atë birrë. Unë e pyeta punonjësen e cila sheh shumën e paguar dhe filloj të qeshte, por nuk më thoshte se përse. Pastaj vjen menaxheri që e merr situatën në dorë”.
Pas disa ditësh, në llogarinë e tij bankare, ai vëren se shuma ishte marrë me të vërtetë. Një përfaqësues i Visa tregon se çështja po investigohet dhe se do t’i rikthehen paratë. Mendohet se ai mund të marrë edhe një dëmshpërblim prej 1200 dollarësh për ngjarjen e ndodhur.
