Një kronikë e transmetuar dje nga televizioni “Abc News”, zbuloi atë që ka ndodhur këtë verë në plazhin e Vilë-Bashtovës.
Drogë, seks në grup, shiringa heroinë, muzikë 24 orë, janë stili i zgjedhur nga qindra turistë të huaj që kanë zbarkuar me rulot e tyre në këtë plazh të panjohur të Adriatikut.
I pari që denoncoi për atë që po ndodhte ishte kryetari i PD në Rrogozhinë, Ferdinant Saracci, i cili tha se ajo që ndodhte në Vilë-Bashtovë ka ndodhur me mbështetjen e kryebashkiakut të Rrogozhinës.
Një kronikë e televizionit “Top Channel”, jep të tjera të dhëna për praninë e turistëve të huaj në Vilë-Bashtovë.
Turistët ndodhen prej 2 javësh në këtë plazh, në një festival që quhet “Ilegal Techno”.
Por a kanë dijeni institucionet për përdorimin e drogës nga këta të huaj që vijnë në Shqipëri?
Këtë nuk mund t’a themi, por ajo që dihet me siguri është se bashkia Rrogozhinë dhe kryeministri Edi Rama, kanë mbështetur fuqimisht zhvillimin e këtij eventi. Vetë Rama ka postuar në rubrikën e tij “Mirëmëngjes”, këtë ngjarje më 29 gusht 2019.
“MIRËMËNGJES , dhe me ftesën për të mos humbur Festivalin e Bashtovës që nga 30 gushti do të ofrojë për pushuesit e vizitorët 3 ditë të mbushura me muzikën më të mirë e plot aktivitete të tjera në natyrën spektakolare të zonës, ju uroj një ditë të mbarë ”-shkruante Rama.
Ndërkohë që për përdorimin e heroinës dhe hashashit në këtë plazh, nuk ka asnjë reagim nga Policia e Shtetit, që bashkë me institucionet e tjera ka bërë një sy qorr e një vesh shurdh, për atë që ndodh në sytë e shqiptarëve, shumë pranë fëmijëve që mund të frekuentojnë plazhin.
Mediat pro qeveritare, kanë zgjedhur t’a mbulojnë përdorimin e drogës, duke iu prezantuar publikut se turistët e huaj kanë pastruar plazhin…
https://www.dailymotion.com/video/x7k9mct
