Komisioni parlamentar i Ligjeve po shqyrton dekretin e Presidentit për ligjin mbi Pushtetin Vendor, që u kthye për rishikim në Kuvend.
I pranishëm në seancë, këshilltari ligjor i Presidentit Ilir Meta, Bledar Dervishaj, tha se po krijohet një kompetence e re e autoriteteve vendore.
Socialisti Bashkim Fino shprehu shqetësimin se relacioni i Presidencës është ndërtuar kundër relatorit.
“Ajo që me vjen keq është se po vërej me keqardhje personale se gjithë relacioni është ndërtuar kundër relatorit. Me çfarë duket Presidenti e ka personale me mua. Presidenti e di si veprohet kur vjen një nismë. Nuk e humbet të drejtën e pronësisë bashkia. I humbet pronësia vetëm kur shitet. Njësitë vendore janë tërësisht autonome. Duhet ta rrezojmë dekretin e presidentit për këto nene”, tha Fino.
Dervishaj duke iu përgjigjur Finos, tha se “vlerësimi i Presidentit behet vetëm mbi ligj. Është cituar relatori, sepse propozimi i qeverise nuk përmbante ato shqetësime të qeverisë”.
