Vret gruan me thikë më pas kryen vetëvrasje duke u hedhur nga banesa e pallatit ku jetonte. Ngjarja e rëndë ka ndodhur orët e vona të kësaj të premteje në Librazhd.
Sipas një rindërtimi paraprak të ngjarjes nga policia lokale, siç bëjnë me dije burimet, në kulmin e një sherri në familje, Daut Gjokola, 53 vjeç, ka marrë thikën dhe ka goditur disa herë me armën e ftohtë gruan. Më pas, është hedhur nga kati i fundit i banesës ku jetonte, duke ndërruar jetë në vend.
Ndërkohë, gruaja ka marrë plagë të shumta si pasojë e goditjeve me thikë. Ajo është transportuar në spital, por nuk ka mundur të mbijetojë.
Policia ka shkuar në vendngjarje dhe një grup hetimor është ngritur për të zbardhur shkaqet e kësaj ngjarje.
Çifti ka dy fëmijë, një djalë 26 vjeç dhe një vajzë 23 vjeçe të cilët nuk dihen nëse kanë qenë prezent në momentin e krimit.
