Kryeministri Edi Rama ka postuar në rrjet një tjetër reagim pas raportit të OSBE/ODIHR, i cili po interpretohet krejt ndryshe nga mazhoranca dhe opozita. Ndërsa kjo e fundit deklaron se raportin rrëzon 30 qershorin, ditë kur u mbajtën votimet monopartiake, Rama thekson se OSBE/ODIHR konfirmuan legjitimitetin e procesit.
“Raporti i OSBE/ODIHR për zgjedhjet e 30 qershorit ka konfirmuar legjitimitetin e plotë të procesit dhe ofruar një paketë të vlefshme rekomandimesh.
Koha për Dialog Bashkëpunim në funksion të Reformës Zgjedhore për zgjedhjet e vitit 2021, jo për “e lagu s’e lagu” mbi të shkuarën”, shkruan Rama, ndërsa ka shpërndarë edhe videon e konferencës për mediat të ministrit të Jashtëm në detyrë, Gent Cakaj.
