Një shqiptar, punonjës ndërtimi në Maltë, ka rënë nga një ndërtesë dhe për pasojë ka marrë dëmtime të shumta. Sipas mediave vendase, i plagosuri shqiptar është rreth 46 vjeç, ndërsa nuk bëhet me dije emri i tij.
“Një burrë shqiptar pësoi lëndime të rënda këtë mëngjes pasi ra nga lartësia ndërsa punonte në një kantier ndërtimi në Siggiewi”, njofton policia malteze.
I dëmtuari është dërguar me urgjencë në spitalin më të afërt, ndërsa policia ka nisur hetimet intensive për zbardhjen e shkaqeve të aksidentit.
