Ish-drejtori i Agjencisë Kombëtare të Bregdetit, Auron Tare shprehet se turizmit në Shqipëri i mungojnë standardet.
Në emisionin opinion, Tare tha se ministri i Turizmit Blendi Klosi, i cili ishte prezent në panel, nuk mund të shkojë të vizitojë në spital çdo turist të dëmtuar.
“Do doja një debat më profesional për turizmin duke e marrë Mihalin si rast. Unë shkruaja se ne pamë atë që ishte jashtë furgonit jo brenda, ajo që më shqetëson ishte profesionalizimi i guidave, kompania që e organizon. Në të gjithë botën ka disa standarde. P.sh. do vijnë dy gazetarë javës tjetër dhe kanë dy javë që çojnë pyetësorë për siguracionet, mënyrën e udhëtimeve etj. Ajo që na mungon ne dhe kjo na e tregon çështja e Mihalit tregon që ende turizmi ynë vuan nga standardet, s’ka standarde, s’ka trajnime për këta. Duke njohur industrinë e turizmit unë e di se si operojnë shumë guida, të cilat bëjnë pazare me lokalet. Shto një çik çmimet… Ti nëse operon si guidë e di se ai që vjen me jaht me dy kalamaj të vegjël s’mund ti çosh rrugëve të Shqipërisë, as anglishten se flasin mire. Kompania që e organizon është një kompani greke që kanë një zyrë në Sarandë. Më çuditi një biznesmen shqiptar, ishte investuar shumë që mos të dilte fare kjo skenë, kjo gjë. Ndaj them që kompania ka shumë faj në këtë histori. Organizmi që ka bërë, kompania e di shumë që i çonte gjithmonë klientët te Mihali, gjithmonë. S’kanë ndaluar rastësisht aty”, tha Tare.
Çfarë problemi ka më shumë me turizmin tani në Jug?
Auron Tare: Ndoshta para ca ditësh ra dikush në Librazhd, shkoi ministri e takoi, mirë bëri, etj, etj. Bota i ka zgjidhur këto çështje se s’mund të shkojë ministri nëpër spitale me mollë me vete duke takuar turistët, se turisti e para duhet të ketë siguracion. E dyta, ka standarde, çdo budalla nga Europa nuk mund të futet nëpër kanione si të dojë dhe të ngrihet shteti me helikopter ti nxjerri. Jo. Ka disa standarde. Ka kritere, rregulla të caktuara. Ti s’hyn dot në kanionin e Holtës, psh pa guidë të licensuar vendase. I ka përcaktuar bota këto, ky është standardi.
