Dy drejtorë në Sarandë janë larguar nga funksionet që mbanin.
Bëhet fjalë për kreun e Tatimeve, Alket Qëndro, dhe drejtorin e OSHEE-së, Artur Kseno.
Skarkimi ka ardhur për shkak të performacës së dobët, por duket se ky është një urdhër i Kryeministrit, njëherazi edhe Kreu i PS-së, për rifreskimin e administratës nga veriu në jug.
Dy ditë më parë Kreu i Kuvendit, Gramoz Ruçi, mblodhi në një takim deputetë, kryetarë bashkie dhe drejtues të PS-së për qarqet e jugut, ku dha udhëzimet e qarta, njëlloj sikundër Edi Rama në veri apo Taulant Balla në qarqet e Shqipërisë së mesme.
Rama ka kërkuar që drejtorët duhet të zëvendësohen nga figura me integritet, ku prioritet do të kenë gratë.
