I riu që shihni në foto është Mario Kaziu, shqiptari që humbi jetën në një aksident në Itali këtë të mërkurë.
20-vjeçari u godit nga një tren në qytetin Castelfiorentino. Sipas hetuesve, ai kishte tentuar të kalonte në anën tjetër të shinave, teka mbante kufje në vesh. Kufjet me gjasë e kanë shpërqendruar dhe i riu u përplas nga një tren që udhëtonte nga Siena.
20-vjeçari Kaziu u dërgua me urgjencë me helikopter drejt spitalit Careggi. Gjendja e tij shëndetësore ishte e rëndë si pasojë e goditjes së fortë nga treni. Fatkeqësisht, mjekët nuk mundën të bënin asgjë për të.
Për ndarjen e parakohshme nga jeta të Marko Kaziut ka shprehur ngushëllimet edhe kryebashkiaku i qytetit Castelfiorentino.
“Komuniteti i Castelfiorentino shpreh ngushëllimet për familjen e të ndjerit”, ka shkruar ai në Facebook.
