Gazetari i RD-së, Rexhep Polisi, i ka kthyer një përgjigje, analistit Alfred Lela.
“Për Xhepin pa Polis dhe xhepat e tjerë të dërrdërrit të katundit: kontrata +30 aspra mes Judes dhe Ponc Pilatit u mbyll🏌️♂️Tani, hajde gjeje se kush është Krishti! Por secili, për guret që do hedhë vetë, ka guroren e vet të marrinave”, shkruante Lela në një postim.
Ndërkohë në përgjigje ndaj analistit, ka reaguar gazetari Polisi, i cili në rrjetet sociale shkruan “një analist, burrë qëmoti, por me mbiemër femre, paska shkurtuar emër-mbiemrin tim, tepër i ngazëllyer se, “ia ka arritur qëllimit të më fyej”.
Ky analist që nuk e di se ç’është lajmi pasi nuk ka shkruajtur asnjë të tillë në jetën e tij gazetareske, në vend që të merret me argumenta për shkrimin që kam publikuar ndaj tij, gërmon të gjejë fjalë fyese…
Unë nuk hedh asnjë pikë dyshimi për këtë burrë-analist nëse ka ndonjë të përbashkët me mbiemrin e tij prej femre, por po i kujtoj se nuk i bëj fresk askujt dhe e bëj gjumin rehat…”.
Debati nisi pas publikimit të një dokumenti që thuhet se ishte hartuar nga PD, ku ndër të tjera Alfred Lela përfshihej mes gazetarëve dhe analistëve që i shërbejnë Edi Ramës.
