Presidenti Ilir Meta do të dëshmojë në komisionin e posaçëm hetimor parlamentar në 9 shtator, ora 10. Mësohet se orari është dakortësuar mes komisionit parlamentar dhe presidencës.
Ndritja e komisionit hetimor ka ardhur pas këmbënguljes së socialistëve për shkarkimin e kreut të shtetit nga detyra. Sipas tyre, kur anuloi 30 qershorin, Ilir Meta ka shkelur të paktën 9 herë Kushtetutën.
Në korrik, me votat e mazhorancës, u ngrit komisionin hetimor për shkarkimin e Presidentit të Republikës, duke i lënë afat deri në 8 Tetor të vlerësojë nëse Ilir Meta e ka shkelur apo jo Kushtetutën.
Komisioni ka zhvilluar disa seanca, ndërkohë që nga Presidenti Meta mbetet qëndrimi se anulimi i 30 qershorit si datë për zgjedhjet lokale ishte një vendim kushtetues.
